الأوراق المفقودة من الخميس 27/4/2006 إلى الثلاثاء 6/2/2007 : حوار وقرار

- يالا نروح هناك

- فين؟

- هناك .... هناك محدش هيعرفنا أو هيقولنا انتم مين

- بس هنا فى كل حاجة تخصنا

- نبتدى من الصفر أسامى جديدة حياة جديدة مش لازم كل حاجة تبقى جاهزة

- ممكن نغير أسامينا؟

- ايوا وشكلنا كمان ولغتنا وعادتنا كل حاجة حلوة كنا عايزين نعملها

- يالا طيب نروح هناك

- بس محدش فينا يسيب التانى

- طبعاً

- أحنا هنبقى الماضى بتاع بعض

- الحاجة الوحيدة اللى هنخدها من تاريخنا ... أحنا

- ومالوا ... بس أحنا كمان هنتغير

- طبعاً وهنعمل اللى أحنا عايزينه من غير ما حد يكلمنا

- هنتمشى تحت المطر من غير شماسى

- ومن غير هدوم كمان

- هننزل البحر بالليل

- وفى عز الضلمة هنبقى كل اللى أحنا عايزينه

- هنبقى بنى أدمين؟

- أمال أحنا ماشيين ليه أصلاً من هنا؟