جواز سفر

ذهبت فى ميعادى إلى الييت بجانب معرض الدكان الأحمر فى الأسكندرية وما إن دخلت حتى جاء من يقودنى إلى طاولة فارغة وجلست منتظر مجيئه

نظرت إلى الطرقات المغسولة من مطر الشتاء
المدينه جوهرة , الشىء الوحيد فى داخلى أتجاه هذا البلد
بعد دقائق رأيته يعبر الباب, أتجه إلى الطاولة , جلس, أخذ ينظر لى ثم قال :
- وبعدين؟
- معرفش بس لازم حل للموضوع
- مفيش حل السيطرة على الشارع كاملة والعملية بايظة حلك تعمل زى ما هعمل وضب شنطتك وأطلع لبلاد تفهم أنت عايز تعمل ايه
- ومالوا أصلها سهلة أنت فاكر أنى مفكرتش فى الفكرة دية قبل كده؟ المشكلة أن فيه حاجات هنا لازم تخلص
- خلصها ... أنت خلصت علامك ومعاك فلوسك طلع جواز سفر ويالا نكت

نظرت من النافذة الشوارع فارغة ... عادة المصريين فى كل مكان الخوف من المطر
فى داخل المكان يوجد أعلانات لمعارض منذ فترة الستينات والسبعينات معلقة على الحائط , خلفى يجلس رجل أجنبى وصديقته يتناولان العشاء والرجل المسئول عن المكان يراقب الجميع فى خمول
- مش سهل انى أطلع جواز سفر
- ليه؟
- أنت عارف ليه
- يا عم مش هيحصل حاجة أخر حاجة أنك تدبس التدبيسة دية
- ياريت
- متخفش أنا فاهم بقول ايه
- ايه أخبار (ه)
- معرفش وبقالى كتير مشفتهوش
- كويس ... أنا القطر الساعة 8.30
- حجزت؟
- لأ ليه؟ مش هلاقى حجز
- معرفش هنتسرف ... لكن أفتكر البلد بتغلى وأحنا قلة قليلة وسط كل الناس وكل الأديان والتيارات والحل هو جواز سفر
- عارف ومصدق
يالا بقى عشان تسافر ... لسه قدامك سكة طويلة
- يالا