ضابط أحتياط :إنسان خردة للبيع

on Tuesday, 11/04/2006 - 17:01.

من إنسان خردة للبيع دون القاب إلى الضابط إنسان خردة للبيع هو مجرد تطبيف للمادة(58) من دستور هذه الدولة
مادة(58): الدفاع عن الوطن وأرضه واجب مقدس، والتجنيد إجبارى وفقا للقانون
وقد تم تنفيذ القانون كما هو فيبقى سؤال بسيط ... سعادتى متضايق وبيعترض ليه أن القانون اتطبق؟
مش عارف متضايق ليه ... يمكن عشان شايف أنى الوحيد اللى بيتطبق عليه القانون
طيب ليه أنا الوحيد أو أنا واحد من الناس اللى بيطبق عليها القانون؟
أكيد عشان مفيش وسطة ... أنهاردة كنت فى التجنيد فالعسكرى بيسئل الناس حد معاه وسطة قلتله أنا وسطتى ربنا ... قالى ماينفعش لازم وسطة برتبة
فهذا يعتبر أول درس الواحد أتعلمه ... الله ماينفعش وسطه
أنا عارف ومقتنع من قبل ما أروح ان الله عمره ما هينفع وسطة فده لا يعتبر درس لكن مجرد تأكيد لأقتناعى
المهم ... أنا اتعملى كارنيه إيقاف حال لمدة 3 سنين
لمدة 3 سنين حالى واقف من غير ما أعمل اى حاجة عليها القيمة أو مقتنع بيها
وكل هذا من أجل الوطن الكريم
هذا الوطن اللى ذى ما بيقولوا ... متسئلش أدالك ايه - كلنا عارفين هو أداك ايه - أسئل انت هتديله ايه
وقبل ما أترحل أحب أقول حاجة واحدة
احه ... يلعن أبو ده نظام دوله

القوات المسلحة خير أجناد الله على الأرض ... تحيا مصر
ضابط أحتياط :إنسان خردة للبيع