ثورة فى وجه الحياة

كلام حلو ... يمكن
كلام ثورجى .... ممكن برضه
كلام معقد .... ايوا
لكن الأهم .... هو دعوة
دعوة للثوة على الحياة
الثورة على الذات
لكن أكيد مش الثورة لمجرد الثورة

----------
كلنا بنتنفس نفس الهواء
بنشرب نفس الميا
و بنحلم
و بنتمنى
----------
أحلم معايا بعالم أفضل
عالم الكل ... مش لازم سعيد فيه
لكن محدش بيموت عشان أفكاره
محدش بيتبصلوا على أساس خلافات فردية
عالم خالى من تفرقة عنصرية
عالم خالى من تفرقة بسبب الدين .. اللغة .. النسب
----------

أحلم معايا بوطن
كل واحد يبقى فيه بجد مواطن مش مجرد مقيم
مش كفاية نعيش فى الوطن اللى جوه القلب
مع بعض نطلع الوطن اللى جوه القلب للواقع
نبنيه على الأرض حتى لو قتلنا السلاح بتاع الواقع
نموت ... مش مهم
لكن دايماً خليك عارف
غيرك هيجى و يعيش فى الوطن اللى بنيته بدمك
و عمره ما هينسى فضلك
----------

كلنا مصلوبين على الطرقات لكن مش بمزاجنا
كلنا بنصلب بعض عشان نعيش
لكن ممكن مع بعض نغير كل ده
السؤال : ازاى؟
----------

ثورة فى وجه الحياة ... تيجى معايا؟