(سبعة)

كان كل شىء هادىء كالعادة
لا صوت لا حركة لا شىء
الجميع منهمك فى المكتب يعملون
الكثير من العمل المتراكم يجب أنجازه قبل غد
ليس الوقت ملائم لألقاء اللوم على الأخر لكن البعض كان مقتنع أن المسئول عن هذا التأخير سوف يدفع ثمنه
و البعض الأخر كان يفكر فما سوف يقوله عند سؤاله على التأخير
كان هناك من يعملون على أساس أنه عمل يجب أنهائه, الذهاب للنوم وغداً يبدئوا التنفيذ
و كان هناك من يعملون على أساس أقتناعهم بأهمية ما يفعلونه وأنه اساسى لأستمرار المكتب ... و لكن معظم هؤلاء قد تركوا هذا العمل منذ زمن و القلة الباقية فقدت الأمل
أما المسئول عن كل هذا فكان يحاول مساعدة الجميع
هو المسئول عن هذا الحدث وإن وقعت أى أخطاء فهو من يجب أن يتداركها
و كان يتسائل هل يعاقب المسبب لهذا التأخير غداً صباحاً أم مساءً

الكل منهمك ... الكل يعمل ... الكل يحاول أنقاذ ما يمكن أنقاذه

"سبع سنين أونطه يا كفرة ومحدش قال كلمة واحدة حرام عليكوا يا كفرة"

صوت كان يصرخ خارج المكتب ذهب الجميع ليروا ما يحدث
كان هناك واقفاً مازال يصرخ
تعرف عليه المسئول على الفور فقد كانا يعملان مع بعض منذ زمن
أما الباقى فلم يتعرف عليه فقد كانوا جميعاً حديثى العهد بهذا العمل
أثنين أو ثلاث منهم عرفوه على الفور فقد كان فيما مضى مسئول عنهم

" سبع سنين أونطة .... فى الهوا طاروا ... و برضوه اللعبة مكمله
بكره هتعملوا نفس اللى جرالى من سبع سنين
كام واحد منهم مقتنع بالليله ؟ ردوا عليا
كام واحد منكم من اللى طالعين بكرة مقتنع ؟ ردوا عليا
بكرة قلة منكم هيقفوا الوقفة دية ويقولوا سبع سنين أونطة يا نصبين يا كفرة
كملوا العك اللى بتعملوه ... مفيش فايدة
كل اللى كانوا ممكن يعملوا حاجة مشيوا متبقاش الا انتم وأنا
لكن لأ انا همشى أنا سيبهلكم أشبعوا بيها وبالفيها و بالمكتب الجامد ده
سبع سنين أونطه يا كفرة ومحدش قال كلمة واحدة حرام عليكوا يا كفرة"

أشار المسئول للجميع بالذهاب لأنهاء عملهم
و قال للدخيل : أهدى بس وروق ليه الكلام اللى مالوش لزمه ده دول ناس لسه جديدة وبكرة هنطلع غيرهم لسه فيه أمل
فقال له : أنت مقتنع باللى بتقولوا؟
صمت المسئول لفترة و أجاب : لأ
أجابه الدخيل :ولا أنا مقتنع باللى انت بتقولوه يبقى سبنى أقول اللى انا وانت شايفينه صح
وقام وأستجمع أنفاسه وأستمر فيما بدأه وهو يسير مبتعداً

لم يفسروا من كانوا فى المكتب ما يقوله
لكن المسئول مازال ترن فى أذانه
سبع سنين أونطه يا كفرة و محدش قال كلمة واحدة حرام عليكوا يا كفرة